In hierdie laaste oomblikke voor die wegraping is Jesus besig om baie hard te werk om baie van julle gereed te maak om saam te kan gaan.

Hoeveel van julle het al die volgende stelling gehoor: Christenskap is harde werk? Hoeveel van julle dink dat hierdie stelling reg is? Kom ons kyk vandag hierna.

Alles het begin toe ek die boodskap in die Bybel gekry het waar Jesus die tempel skoon gemaak het van almal wat daarin gekoop en verkoop het. (Mattheus 21:12-13 en Johannes 2:13-17)

Die Here wys dat daar nog baie van sy kinders is wat met wrokke in hulle harte rondloop omdat hulle mense nie hulle oortredinge kan vergewe nie. Die mees wonderlikste ding wat ons as Christene aan ons mede mens kan doen is om daardie persoon se oortredinge teen ons te vergewe ongeag of daardie persoon ‘n Christen is of nie.

Iets wat ons as Christene baie gou vergeet is net hoe duur ‘n prys die Here vir ons verlossing betaal het. Kom ons stel ons voor dat ons nie gered is nie.