Ek staan in verbasing as ek sien hoe die Woord van die HERE elke dag in vervulling gaan in hierdie laaste oomblikke voor die wegraping.
Paulus skryf in 2 Tessalonisense 2:11-12 die volgende bekende gedeelte: “[11] En daarom sal God hulle die krag van die dwaling stuur, om die leuen te glo, [12] sodat almal geoordeel kan word wat die waarheid nie geglo het nie, maar behae gehad het in die ongeregtigheid.”
Vandag sien ons dit gebeur! Ons sien hoe mense mislei word deur politici, kerk leiers asook ander in leierskap posisies… Nog erger is dat geredde Kinders van God nie gespaar word nie en baie val vir die leuens van hierdie misleiding! Ons moet daarom wakker en op ons hoede wees. Hou vas aan dit wat jy geleer het en dit wat jy weet reg is. Hou vas aan julle krone en moenie dat satan dit van julle in hierdie laaste uur steel nie!
Paulus sê vir ons dat hierdie verleiding sal begin onder die wat die waarheid tot die redding nie aangeneem het nie en ons het dit gesien. Kyk maar hoe sterk was die verleiding gedurende die Covid tyd gewees… Vandag weet ons dat alles wat hulle ons gedurende daardie tyd vertel het, alles leuens was… Alles het gegaan om so veel mense as moontlik ingeënt te kry en vandag sit die lande met die grootste genesingsyfer met die grootste sterfte syfer…
Vandag vertel politieke leiers vertel vir mense een ding terwyl hulle presies die teenoorgestelde doen. Ons sien dit hier in Suid Afrika ook! Sogenaamde Mega Kerke kry mense om miljoene te skenk aan die kerk sodat die leraar in absolute weelde kan leef! Dit terwyl daar mense is wat krepeer van ellende as gevolg van skenkings wat hulle geforseer was om te maak.
Ek het al verskeie kere in my lewe gesien hoe mense van leraars afgode maak. Pasop daarvoor, want dis baie maklik om in daardie strik te beland as jy nie versigtig is nie. Onthou dat daardie leraar wat jy so baie van dink net dit kan doen wat hy doen omdat die Gees van God met hom is. Op sy eie kan hy of sy niks doen nie. As jy iemand soek om te prys, prys dan God en nie die mens nie!
Julle moet ook besef dat die vryheid wat ons het om self te kan besluit stelselmatig wegneem word. Mense word soos skape bestuur om in sekere krale in te pas. Dis waarom dit wat in die nuus vir ons vertel word selde is wat werklik gebeur nie. As die gebeure nie afgewater word nie, dan word ons net een kant van die saak vertel of dit word net glad nie gerapporteer nie. Kyk maar net hoeveel daar in die wêreld gebeur wat glad nie gerapporteer word nie… Dis verspoelings, siektes, aardbewings, oorloë, en ons hoor seker net ‘n breukdeel van alles wat gebeur… Hoekom? Omdat hulle wil verhoed dat mense die waarheid sien en begin voorberei. Mense wat onvoorbereid is en nie weet wat aangaan nie, is maklik om te beheer en dis waaroor alles gaan; beheer.
Wees versigtig na wie jy luister en dit sluit politici, groot maatskappye en leraars in! Moet niks wat jy hoor as vanselfsprekend aanvaar nie. Elke dag sien ek hoe God se Woord in vervulling gaan! Hou vas aan julle krone, want binnekort gaan ons huis toe!
Mag die HERE hierdie boodskap aan julle harte seën!
