Jesus het ons oneindig lief en Hy haat dit om hard met ons te praat, maar as dit wat ons doen Sy liggaam en kerk aanraak, dan moet daar opgetree word om regstelling te verseker.
Onthou dat naasteliefde UITERS belangrik is, want dit is tog immers die tweede gebod! Naasteliefde is die spil waarom alles draai. Sonder dit, gaan jy jouself diskwalifiseer vir die wegraping! Jy sal nie weggeraap word nie, dit kan ek jou belowe! Al is jy die grootste Christen en al preek jy jou stem hees en pos honderde Bybel versies op internet vir mense. Sonder naasteliefde, skop jy net ‘n geraas op en is jy ‘n klinkende metaal en luidende simbaal!
Hierdie tipe ding van mense oordeel kom van siele af wat aan ‘n minderwaardigheid kompleks lei. Hulle verlang om deur mense aanvaar te word, maar die wonde loop so diep dat hulle hulleself van mense vervreem met die dinge wat hulle sê.
Hoe maak ‘n mense so iets reg? Deur na Jesus te gaan sodat hy jou gedagtes oor jouself kan herrangskik en jou wonde kan genees. Dis baie moeilik, indien nie onmoontlik nie, vir iemand om ander mense te lei terwyl hulle sulke diep wonde in hulle harte rond dra. As dit sou gebeur dat hierdie mense in leierskap posisies aangestel word, trek hulle ander siele aan wat soortgelyke wonde as hulleself het. Jy het basies twee keuses as jy sulke wonde in jou lewe het: laat Jesus toe om jou te genees of gly dieper in die put van jaloersheid en verwerping. Onthou dat ellende van geselskap hou en dis waarom gewonde siele altyd die geselskap van ander gewonde siele opsoek.
Beklee jou met liefde soos Jesus ons met liefde beklee. As jy jou stilte tyd jou, dan sal Jesus jou rus gee en jou siel verkwik. As jy voel dat jaloersheid en bitterheid besig is om in jou pos te vat, gaan dan dadelik na Jesus toe. Bely dit en vra vir vergifnis en genesing. Jesus sal jou hart genees sodat die liggaam van Christus kan genees, maar Jesus het jou samewerking nodig om dit te kan doen. Dis belangrik om te weet dat hierdie self-regverdige houding gif is wat nie van Jesus af kom nie. Jy verdedig nie Jesus se waardigheid as jy ander aanval en fout vind nie; jy saai verdeeldheid; jy breek die nette en jy verstrooi die vangs; God se vangs!
Het julle al ooit gewonder waarom daar so baie mense opstaan en preek wat absoluut geen opleiding het om dit te doen nie? Dis omdat baie van ons opgeleide predikers, geen ondervinding het in die wet van genade nie. Jesus het daarom predikers geroep om Sy mense te lei en hulle toegerus met wat hulle nodig het sodat hulle brood op die regte tyd aan Jesus se volk kan gee. Dis na hierdie mense waarna Jesus verwys in die Bybel as Hy sê die eerste gaan laaste wees en die laastes eerste en ook die loon van die werker wat laaste begin het gaan dieselfde wees as die een wat heel dag werk.
Daar is hoop vir almal. Jesus het nie gekom om te oordeel nie, maar om lief te hê, te genees en aan te moedig. Daarom verlang Hy van ons wat die Woord verkondig om liefde uit te straal vir ons medemens. ‘n Geknakte riet, sal Jesus nie breek nie.
Gaan nou na Jesus toe en laat Hom toe om jou wonde te verbind met olie en met wyn. Hy staan gereed om jou te vergewe. Kom net soos jy is!
Prys die Naam van Jesus!
