Ons lees in Daniel 9 vers 27 dat die sewe jaar verdrukking sal begin nadat die Antichris ‘n verbond van vrede met baie sal sluit.
“En hy sal een week lank met baie ‘n sterk verbond sluit, en gedurende die helfte van die week sal hy slagoffer en spysoffer laat ophou; en op die vleuel van gruwels sal daar ‘n verwoester wees, en wel tot aan die einde; en wat vas besluit is, sal oor wat woes is, uitgestort word.” (Daniël 9:27)
Hierdie verse is nog nie vervul nie, maar 2 Tessalonisense 2:1-10 sê vir ons dat die afvalligheid in Christus eers moet kom en dan die wegraping voor die Antichris ontmasker kan word. Die afvalligheid in die kerk is reeds hier. Kyk maar na die volgende kommentare soos op Internet gepos en julle sal verstaan: “Ek het verlang na die terugkoms van Jesus… waar is Hy?”, “Dis nou al baie jare en nog niks het gebeur nie!”, “Maak my glo; ek daag jou uit!”, “Ek het mense soos jy geglo vir vyf jaar… VYF JAAR!”
Al wat oorbly om te gebeur is die wegraping; die verwydering van ons wat terughou en dan sal die Antichris ontmasker kan word en die tyd van God se wraak op aarde begin. Maar aangesien hierdie dinge nog nie gebeur het nie, weet ons dat die verdrukking nog nie begin het nie. As die wegraping dan nog nie begin het nie, waarom sien ons dat so baie dinge wat in die verdrukking gaan gebeur dan nou gebeur?
Alhoewel die verdrukking nog nie begin het nie; sien ons die skaduwee daarvan en hierdie skaduwee word al hoe langer en donkerder soos die boosheid van die mens toeneem. Wat ons nou sien gebeur is maar net ‘n voorsmakie van wat gaan kom. Die van julle wat dink dat dit nou al erg is, gaan moet weet dat dit in die verdrukking ‘n honderd keer meer erger gaan wees!
Hier is ‘n paar voorbeelde van wat dit beteken om in die skaduwee van die verdrukking te leef.
Pessiektes: Openbaring 6:8 lys pessiektes as ‘n bydraende faktor in die dood van meer as ‘n biljoen mense. Hierdie is die vierde van die seël oordele wat oor die aarde gaan kom. Maak nie saak hoe jy die nuus lees of hoor nie, daar is altyd ‘n berig van een of ander virus wat die lewens van mense eis. Dis al so algemeen dat die wêreld dit nie eers meer oplet nie…
Brande: Elke jaar is daar etlike brande regoor die wêreld en dit word al hoe erger! Die vernietiging van eiendom en mense lewens is op ‘n skaal soos nog nooit voorheen gesien nie. Mens hoef maar net na die foto’s en die video’s van hierdie brande te kyk om ‘n idee te kry van hoe dit gaan lyk gedurende die eerste van die Trompet Oordele soos in Openbaring 8:7 beskryf “En die eerste engel het geblaas, en daar het hael en vuur gekom met bloed gemeng, en dit is op die aarde gegooi. En ‘n derde van die bome het verbrand, en al die groen gras het verbrand.” Hierdie brand wat maar net ‘n voorsmakie van dat wat gaan kom…
Sprinkane: Elke jaar berig die koerante van sprinkaan plae regoor die wêreld; gewoonlik in die streke van Oos Afrika en Suidoos Asië trek. Elke jaar lei hierdie sprinkaan plae tot hongersnood in die lande wat daardeur geaffekteer word en die dood van miljoene. Jesus het ons in Mattheus 24 gewaarsku dat hongersnode een van die tekens gaan wees van Sy terugkeer. Volgens Johannes se beskrywing in Openbaring 6:8 weet ons dat hongersnood een van die oorsake gaan wees van die dood van meer as ‘n biljoen mense.
Alsem: Openbaring 8:10-11 waarsku ons dat daar ‘n meteoriet op die aarde gaan val met die naam van Alsem en dit gaan ‘n derde van die water op die aarde bitter gemaak om te dink sodat baie mens daarvan sal sterf. Hierdie meteoriet het niks te doen met die als plantjie wat in Afrika voorkom en algemeen gebruik word as ‘n genees middel nie. NASA stuur gereeld waarskuwings uit van meteoriete wat baie naby aan die aarde verbyskiet teen snelhede van meer as 57,000 kilometer per uur. Die eksperts in hierdie gebied sê vir ons dat as gevolg van die spoed en grote van hierdie meteoriete, dit die potensiaal het om hele kontinente te vernietig as dit die grond sal tref.
Krag van die dwaling: In 2 Tessalonisense 2:11 skryf Paulus van die kragtige dwaling wat God aan die mense sal stuur wat weier om in Hom te glo. Dit mag dalk lyk asof hierdie reeds gebeur het, veral as mens kyk na die leuens wat versprei word en hoe mense dit glo. Mense het blind geword vir die waarheid; vir Bybelse sowel as algemene waarheid.
Ek kan nog baie ander dinge bylas soos die groot aantal oorloë, gerugte van oorloë, aardbewings, vulkane, die Christene wat vervolg en doodgemaak word, die absolute verwerping van alle wet en orde en nog baie ander dinge by hierdie lys van tekens voeg. As net een of twee van hierdie dinge wat genoem word waar is, dan kan mens verstaan dat iemand sal dink dat die verdrukking nog ver is, maar die feit dat daar so baie dinge is wat nou waar word en ‘n mens kan die skadu van die verdrukking net nie meer wegredeneer nie. Dis krisis op krisis op krisis. Nog nooit was die wêreld deur soveel krisisse gelyk getref en so baie na mekaar nie!
Wat sê al hierdie dinge vir ons? Dat dit verby die tyd is om wakker te word! Hierdie is die laaste uur, want wat ons nou sien is flitsende rooi ligte en alarms wat afgaan om ons te waarsku net hoe naby die koms van die HERE is en hoe min tyd ons werklik het! Hierdie dinge wat nou gebeur is nie by verre op die skaal wat in Openbaring aan ons gewys word nie, maar dis nie die doel van wat nou gebeur nie. God wil hê dat ons moet wakker word, kyk en oplet, want hierdie is ‘n herinnering van wat binnekort gaan kom.
Hierdie skaduwee wys aan ons net hoe aaklig dinge gaan word in die verdrukking. As jy nog nie wakker is nie, liewe leser, word dan wakker. Maak jou saak met God reg! Bekeer jou van jou sonde en laat jou skoonwas in die Bloed van die Lam tot vergifnis van sonde! Dis nog nie te laat nie, maar binnekort gaan dit wees.
Mag die HERE hierdie boodskap seën!
