Tyd loop nou vinnig uit; daar is nog net sekondes op God se horlosie van die ewigheid oor…
Die verdrukking kan nie meer uitgestel word nie. Die deur van genade is besig om te sluit op hierdie wêreld. Binnekort gaan daardie deur gesluit wees en dan gaan die wat buite is blootgestel word aan ongekende leiding en smart. Satan begeer om hierdie wêreld te regeer en as hy daarmee klaar is, gaan daar niks oorbly behalwe verbrande as en uiterste chaos nie.
Ek weet dat daar baie is wat nie belangstel nie of nie juis omgee nie. Ek weet dat daar ook baie is wat sê, dat hierdie waarskuwings al oud is, want niks gebeur tog nie… Luister asseblief; ook die wat reeds gered is. Julle wat hierdie lees, gaan die verdrukking sien kom, maar ons sal nie daardeur gaan nie, want Jesus het belowe dat Hy ons sal kom haal sodat ons ook kan wees waar Hy is! (Johannes 14:2-3) Moet dus nie bevrees word as julle sien wat alles gebeur nie. Sorg dus dat u ten alle tye gereed is. Vertrou op Jesus en BID.
As daar enige manier was wat Jesus die verdrukking kon afgestel het sodat dit nie meer nodig sou wees nie, sou Hy, maar daar is geen ander uitweg nie. Dit is waar dat Jesus genadig is dat Sy genade ken geen einde nie, maar die oes is ryp en die sekel is skerp. Jesus gaan ‘n algehele einde maak aan sonde en die verdrukking is die enigste manier om dit te doen.
Pasop om louwarm te word. Dis baie makliker as wat dit klink en moenie dink dat dit nie met jou kan gebeur nie. Dis baie maklik om jou aandag van Jesus af weg te lei, selfs al is jy ‘n ware Kind van God. Satan is baie goed met hierdie soort ding en hy weet presies hoe om jou aandag so besig te hou met onbenullighede dat jy skielik minder en minder tyd vir Jesus het! Pasop om nie so betrokke te raak by dinge van die wêreld dat julle van koers af te gaan nie. Voor jy mooi weet, bid jy al hoe minder en deel jy al hoe minder gawes wat Jesus aan jou toe vertrou het uit. Om te bid en tyd met Jesus te spandeer word dan skielik ‘n stryd, want daar is ander interessanter dinge! PASOP!
Ek weet dat baie van julle voel soos mislukkings en julle wonder of julle waardig gaan wees om die wegraping mee te maak. Baie wonder openlik of Jesus tevrede is met dit wat hulle doen. Alles wat jy ervaar is leuens van satan! Moenie daarna luister nie! Ons bring vir Jesus tonne vertroosting oor dit wat binnekort moet gebeur en satan weet dit, daarom probeer hy dit afsny. Satan se hele bestaan gaan om vir Jesus grief te besorg. Satan kan nie vir Jesus seermaak nie, maar hy kan ons seermaak en deur ons seer te maak, maak hy God se skepping seer.
Bly dus waaksaam en weet dat Jesus verlang om ons by Hom te hê. Jesus veroordeel ons nie. Hy waarsku ons net sodat ons nie deur die wêreld weggerokkel word nie. Spandeer tyd saam met Jesus en sorg dat Hy altyd jou nommer een prioriteit is in alles wat jy doen, want Hy wil jou so graag teen Sy bors vasdruk en troos!
Baie van julle is bang; ek weet, maar julle hoef nie te wees nie. Weet dat Jesus daar is vir jou en dat Hy gereed is om wat ook al vir jou probleme gee oor te vat. Hou net moed! Dit waarmee baie van julle nou so sukkel gaan binnekort so klein en onbenullig lyk dat julle gaan daaroor lag. Sorg net dat jy by Jesus bly. Bly in gebed en moenie toelaat dat enige iets jou van Jesus skei nie. Tyd vir selfsugtige gedagtes en eie wil is daar nie meer nie. Bid vir die redding van siele. Bid vir die wat julle ken en dat hulle hulle pad betyds na Jesus sal vind voor dit te laat is.
Mag die HERE hierdie boodskap seën!
